Mae Janet Finch-Saunders, Aelod o’r Senedd dros Aberconwy, yn annog preswylwyr i gymryd rhan yn yr ymgynghoriad pwysig iawn sy’n cael ei gynnal gan Gyngor Bwrdeistref Sirol Conwy. Mae’r Awdurdod Lleol yn ystyried opsiynau i ddiogelu’r arfordir ym Mae Penrhyn rhag llifogydd ac erydu arfordirol.
Heb weithgareddau cynnal a chadw parhaus ar y traeth, mae’r morglawdd mewn perygl o fethiant, a bydd hynny’n golygu perygl o lifogydd ac erydu i eiddo ac asedau. Mae’r Awdurdod Lleol yn bwriadu gwella’r amddiffynfeydd arfordirol drwy adeiladau morglawdd siâp T alltraeth rhwng y grwynau sy’n bodoli eisoes.
Ar yr un pryd, byddant yn mewnforio graean bras i eistedd o flaen y morglawdd. Y gobaith yw y bydd hyn yn amddiffyn y morglawdd a’r eiddo a’r seilwaith y tu ôl iddo rhag bygythiad parhaus y môr a’r lefelau newid hinsawdd sydd wedi’u derbyn. Mae gwella’r promenâd yn uchelgais hefyd. Gellir gweld y cynlluniau a rhoi sylwadau yma.
Yn rhoi sylwadau ar yr ymgynghoriad, dywedodd Janet:
“Diolch i Gyngor Bwrdeistref Sirol Conwy am y gwaith maen nhw’n ei wneud i amddiffyn Bae Penrhyn.
“Nid yw gwneud dim a dal ati gyda’r trefniadau presennol yn opsiwn, felly rwy’n croesawu’r ymgynghoriad heddiw.
“Mae’n hanfodol bod cymaint o breswylwyr â phosib yn cael dweud eu dweud am y cynllun cyn i gais cynllunio gael ei gyflwyno, felly gofalwch anfon eich adborth cyn 11 Tachwedd 2021.”
DIWEDD
Nodiadau: Bae Penrhyn - Gwelliannau i Amddiffynfeydd Arfordirol
