Mae Janet Finch-Saunders, yr Aelod o'r Senedd dros Aberconwy, wedi croesawu llwyddiant Dydd Sul Dinesig yn Llandudno, a bwysleisiodd yr arweinyddiaeth gymunedol gref sy'n helpu i ailgodi’r dref ar ei thraed. Dyma seremoni ffurfiol sy'n dymuno'n dda i Faer Llandudno, y Cynghorydd Harry Saville , a'r Cyngor Tref.
Wedi digwyddiad coffa wrth y gofeb ryfel, aeth yr orymdaith ymlaen i Eglwys Fethodistaidd Sant Ioan ar Stryd Mostyn ar gyfer gwasanaeth bendith a phregeth gan Gaplan y Maer ar Rhufeiniaid 13 am rôl arweinyddiaeth gymunedol. Ar ôl hynny, fe wnaeth y pwysigion gymryd saliwt yn Neuadd y Dref cyn troi am westy St George am ginio ac areithiau.
Wrth nodi'r achlysur, dywedodd Janet:
“Roedd yn anrhydedd mawr cael ymuno â Maer a Maeres Llandudno, y Cynghorydd Harry Saville a Miss Loren, dros y penwythnos wrth i'n harweinwyr lleol ddod at ei gilydd mewn ennyd ddirdynnol o gofio a dymuno'n dda am y flwyddyn i ddod.
“Roedd gwasanaeth y penwythnos yn tanlinellu pwysigrwydd arweinyddiaeth gymunedol a meithrin cysylltiadau â chynrychiolwyr dinesig i sicrhau bod ein hadferiad mor gryf â phosibl. Mae'r data a ryddhawyd yr wythnos diwethaf a ddangosodd fod Llandudno yn ailgodi ar ei thraed ar raddfa gyflymach, o gymharu â strydoedd mawr eraill y DU, yn cadarnhau llwyddiant yr holl waith sy'n cael ei wneud yn lleol.
“Hefyd, hoffwn roi teyrnged i bawb a oedd yn bresennol, Band Tref Llandudno a ddarparodd drac sain mor wych i'r orymdaith, yn ogystal ag Ysgrifennydd y Maer, Clerc y Dref a Dirprwy Glerc y Dref am eu rôl yn trefnu digwyddiad mor wych. Yn yr un modd, rwy'n estyn diolch hefyd i Gaplan y Maer am ei phregeth hyfryd wnaeth osod y naws ar gyfer ein bendithion."
DIWEDD
Llun: Janet Finch-Saunders AS gyda'i gŵr, Gareth, a Robin Millar AS San Steffan.
