Wrth gymryd rhan ym menter Cefnogi Diwrnod Ffermio Prydain yr NFU, mae Janet Finch-Saunders AS - Aelod o’r Senedd Aberconwy a Gweinidog Newid Hinsawdd yr Wrthblaid - wedi annog preswylwyr i brynu cynnyrch lleol fel ffordd o “roi arian yn ein heconomi wledig” a chefnogi “ceidwaid a gwarcheidwaid y tir”.
Mae Diwrnod Cefnogi Ffermio Prydain, a gynhelir heddiw (dydd Mercher, 15 Medi), yn ddathliad blynyddol o gyfraniad ffermwyr Prydain at dyfu ein bwyd ein hunain, gan ofalu am ein cefn gwlad a’n tirweddau sy’n cael eu ffermio, a diogelu amgylchedd naturiol cenedlaethau’r dyfodol.
I ddathlu’r achlysur, dywedodd Janet:
Ar Ddiwrnod Cefnogi Ffermio Prydain rwy’n falch i gefnogi ffermwyr yn Aberconwy a ledled y wlad drwy annog pawb i brynu cynnyrch lleol sydd wedi’i fagu yn ôl safonau uchel dros ben, a rhoi arian yn ôl yn ein heconomi wledig.
“Ein ffermwyr yw ceidwaid a gwarcheidwaid y tir, ond yn fwy na hyn, mae ganddynt rôl gwbl hanfodol wrth fwydo a chyflogi ein cenedl a sicrhau diogelwch bwyd.
“Gydag ymchwil wedi’i gyhoeddi diwedd y llynedd yn pwysleisio’n gwbl gywir bod allyriadau nwyon tŷ gwydr amaethyddiaeth yng Nghymru ymysg yr isaf o gymharu â systemau tebyg yn fyd-eang, mae’n hollol amlwg bod ein ffermwyr yn parhau i wneud cyfraniad enfawr at fynd i’r afael â newid hinsawdd.
“Dyna un rheswm pam rydw i wedi bod yn falch o erfyn ar Lywodraeth Cymru i roi diwedd ar unwaith ar eu Parth Perygl Nitradau Cymru gyfan; gan sicrhau nad ydym yn gweld dull cyffredinol o blannu coed ar dir amrywiol gyfoethog; a sicrhau hefyd fod ffermwyr gweithgar go iawn yn cael eu cefnogi i gynhyrchu bwyd a chyflawni’r dyhead sero-net erbyn 2040.
“Felly, heddiw a phob diwrnod arall o’r flwyddyn, gadewch i ni ddathlu a chydnabod y gwaith rhagorol a diflino y maen nhw’n ei wneud, boed law neu hindda, bod awr o’r dydd.”
DIWEDD
Ffoto: Janet Finch-Saunders AS
