Mae Swyddfa Janet Finch AS, sydd wedi’i lleoli ar 29 Stryd Madog yn Llandudno, wedi cyhoeddi eu bod wedi cwblhau cwrs hyfforddiant CPR a diffibrilwyr a ddarparwyd gan Ambiwlans Sant Ioan. Gweithdrefn cymorth cyntaf frys yw CPR lle mae rhywun yn gwthio i fyny ac i lawr ar frest rhywun sy’n anymwybodol. Mae diffibriliwr yn ddyfais sy’n rhoi sioc drydan gref i galon rhywun sydd wedi cael ataliad y galon ac fel arfer maent wedi’u lleoli mewn gweithleoedd ac mewn mannau cyhoeddus fel bod unrhyw un yn gallu eu defnyddio.
Yn rhoi sylwadau ar yr hyfforddiant, dywedodd Janet:
“Gall unrhyw un ddioddef ataliad y galon, ar unrhyw adeg. Mae’r hyfforddiant hwn, a roddwyd i’m staff yn Stryd Madog gan Ambiwlans Sant Ioan, yn sicrhau bod gennym ni wybodaeth lawn a thrylwyr am weithdrefnau achub bywyd yng nghalon Llandudno.
“Bob blwyddyn yng Nghymru, bydd dros 6,000 o bobl yn cael ataliad y galon sydyn yn y gymuned a dyna pam y dylen ni wella ein gwybodaeth am y gweithdrefnau hyn. Mae hyn yn hynod wir wrth archwilio data sy’n awgrymu, ledled rhanbarth Betsi Cadwaladr, nad yw oddeutu 75% o bobl sy’n dioddef ataliad y galon yn derbyn CPR cyn i gymorth meddygol gyrraedd.
“Fodd bynnag, rwy’n awyddus i bwysleisio bod peiriannau diffibriliwr yn syml ac yn hawdd i’w defnyddio a does dim angen unrhyw hyfforddiant i helpu i achub bywyd. Mae cyfarwyddiadau clir ar sut i osod padiau’r diffibriliwr, gyda’r peiriant yn gwneud y gwaith i asesu curiad y galon. Ni fydd yn dweud wrthych chi am roi sioc os nad oes angen un.”
Daw’r hyfforddiant wedi’i ddiweddaru ar ôl i Janet gefnogi ymgyrch gan y fenter "Cadw Curiad" Awyr Las sy’n annog trigolion i ymarfer CPR yn niogelwch eu cartrefi eu hunain, drwy ddefnyddio eitemau cyffredin ar yr aelwyd fel peli, clustogau a thedis.
Wrth annog trigolion i ymarfer, dywedodd Janet:
“Rydym ni’n gwybod bod pob eiliad yn cyfrif pam fydd rhywun yn cael ataliad y galon. Trwy ymarfer ein dull CPR yn rheolaidd gydag arth neu bêl, bydd yn golygu y gall pawb gael yr hyder i gynorthwyo’r rhai mewn angen. Wedi’r cwbl, mewn sefyllfa fel hon, mae unrhyw CPR yn well na dim CPR.”
DIWEDD
Ffoto: Staff y swyddfa yn hyfforddi gyda Geoff o Ambiwlans Sant Ioan
