Mae’r Aelod o’r Senedd dros Aberconwy – Janet Finch-Saunders AS – wedi beirniadu penderfyniad Llywodraeth Cymru i wrthod llacio gofynion gorchuddio wyneb ar gyfer addoldai, ar ôl iddi dderbyn llythyr gan Jane Hutt AS, y Gweinidog Cyfiawnder Cymdeithasol, yn datgan:
‘Nid ydym eto wedi cyrraedd sefyllfa lle gallwn gael gwared ar yr holl amddiffyniadau ac – yn unol â’r cyngor gwyddonol ac iechyd cyhoeddus diweddaraf – byddwn yn cadw rhai mesurau ar waith ar lefel rhybudd sero. Mae’r rhain yn cynnwys defnyddio gorchuddion wyneb mewn mannau cyhoeddus dan do fel Addoldai.’
Wrth drafod ymateb y Gweinidog i’w llythyr, dywedodd Janet:
“Mae digon o le yn y rhan fwyaf o addoldai i ganiatáu digon o gadw pellter cymdeithasol ac rwy’n gwybod bod lleoliadau wedi cymryd camau i wella awyru.
“Yn hytrach na gadael i’r Wladwriaeth bennu’r hyn y dylai ein haddoldai ei wneud, mae’n bryd i Lywodraeth Cymru adael i ganolfannau unigol benderfynu ar y risg i’w cynulleidfa a’r mesurau lliniaru angenrheidiol a ddylai fod ar waith.
“Fel llawer o drigolion, rwy’n cytuno ei bod yn anodd anwybyddu’r ffaith ei bod yn ymddangos yn afresymol nad oes dewis ar gyfer addoldai tra bo dewis ar gael yn y sector lletygarwch.
“Yn wir, yn hytrach nag ofn y Gweinidog o greu gwrthdaro rhwng daliadau crefyddol dwfn a diogelwch personol, yr hyn mae hi’n gyfrifol amdano yw gwrthdaro sydd eisoes yn bodoli rhwng y gwahanol safonau ar gyfer addoldai a’r sector lletygarwch”.
DIWEDD
Llun: Janet Finch-Saunders AS
Dogfennau:
