Mae’r Aelod o’r Senedd dros Aberconwy – Janet Finch-Saunders AS – wedi croesawu’r newyddion bod Llandudno wedi cael ei henwi’n dref arfordirol harddaf Cymru i ymweld â hi, yn ôl ymchwil newydd ar ardaloedd glan môr. Brenhines trefi glan môr Cymru yw’r seithfed dref arfordirol harddaf yn y DU, gyda sgôr o 21.6.
Yn ôl yr astudiaeth gan ymchwilwyr yn SlotsUp, dyma’r trefi arfordirol harddaf yn y DU:
- Bournemouth, Dorset – sgôr 36.1 / 60
- St Ives, Cernyw – 29.4
- Hastings, Dwyrain Sussex – 29.1
- Padstow, Cernyw – 27.4
- Ilfracombe, Dyfnaint – 26
- Salcombe, Dyfnaint – 25.4
- Llandudno, Conwy – 21.6
- Southwold, Suffolk – 18.3
- Margate, Caint – 15.8
- Filey, Gogledd Swydd Efrog – 14.9
Wrth sôn am lwyddiant Llandudno, dywedodd Janet:
“Dylai pawb sy’n byw ac yn gweithio yn ein tref fod yn falch ein bod ni’n cynnig y fformiwla fuddugol ar gyfer gwyliau hamddenol yng Nghymru.
“Ar ôl blwyddyn a hanner erchyll i letygarwch, mae’n hwb gwych i gael ar ddeall bod ymdrech ein cymuned yn arwain at gynnal enw da Llandudno.
“Mae gwestai yn llawn, mae buddsoddiadau sylweddol yn cael eu gwneud i ehangu’r arlwy twristiaeth, ac mae cymaint o angerdd dros gryfhau’r sector hyd yn oed ymhellach.
“Rwy’n siŵr y bydd Llandudno nid yn unig yn cadw ei choron, ond yn parhau i fod yn ganolfan gogoneddus i ymwelwyr allu teithio gogledd Cymru gyfan ohoni”.
DIWEDD
Llun: Janet Finch-Saunders AS
