Diolch i Darren (y perchennog) a Michelle (y rheolwraig), profodd Janet Finch-Saunders AS wledd arogleuol a gweledol pan ymwelodd â’u siop newydd, Bubble Hut, 51 Stryd Mostyn, Llandudno, LL30 2NN. Dywedodd Darren wrth yr Aelod o Senedd Cymru dros Aberconwy fod ei fusnes lleol yn cymryd camau i hyrwyddo’r amgylchedd a chynnyrch lleol. Gyda llawer o’r sebonau a’r cynnyrch bath yn cael eu caffael o Abergele a Glan Conwy, a’r perchennog yn byw yn y Sir hefyd, mae hon yn stori o lwyddiant gwirioneddol i’r gymuned ar ôl y cyfnod clo.
Wrth groesawu’r siop newydd, dywedodd Janet:
“Mae Bubble Hut yn gaffaeliad gwirioneddol i Landudno ac Aberconwy, gyda’i dewis gwych o sebonau a chynnyrch bath yn cefnogi ac yn creu swyddi lleol.
“Mae’r pandemig a’r symudiad tuag at siopa ar-lein wedi achosi cryn bryder am ddyfodol y stryd fawr. Fodd bynnag, mae Bubble Hut yn arwydd gobeithiol i Stryd Mostyn a Llandudno.
“Diolch yn ddiffuant i Darren am fod â’r hyder i fuddsoddi yn ein cymuned, ac ni allaf orbwysleisio ychwanegiad pa mor gyffrous yw ei siop i’n tref. Mae’r lliwiau’n dal llygaid, yr arogleuon yn ymlacio, ac mae ansawdd y nwyddau yn gweddu i frenhines trefi glan-môr Cymru”.
DIWEDD
Llun: Janet Finch-Saunders AS gyda Darren a Michelle
Nodiadau: Gallwch gysylltu â Bubble Hut yma - https://www.facebook.com/bubblehut.online
