Heddiw (16 Hydref), mae Janet Finch-Saunders AS - Aelod o’r Senedd dros Aberconwy - wedi siarad am ei chefnogaeth i waith Clwb Rotari Dyffryn Conwy, sy’n darparu gwasanaeth banc bwyd law yn llaw â Golygfa Gwydyr ar hyn o bryd.
Mar Clwb Rotari Dyffryn Conwy yn gymysgedd bywiog o 18 aelod a sefydlwyd ym 1946. Mae’r aelodau’n cyfrannu mewn sawl ffordd, gan helpu’r ardal i fod yn lle arbennig iawn i fyw, gweithio neu ymddeol. Mae hyn yn cynnwys gwaith pwysig y Clwb wrth gefnogi hosbisau lleol, grwpiau lleol a phrosiectau cymunedol.
Gan roi sylwadau ar eu gwaith, dywedodd Janet:
“Mae’r Rotari yn cynnig cyfleoedd heb eu hail i unigolion gysylltu â phobl o bob cefndir a gwasanaethu’r gymuned, yn lleol ac yn fyd-eang. Mae wedi helpu preswylwyr sydd â diddordeb i ddysgu sut i gymell, dylanwadu ac arwain eraill.
“Er bod Clwb Dyffryn Conwy wedi gorfod canslo llawer o’i ddigwyddiadau blynyddol eiconig eleni, o’r sêl cist car Gŵyl Banc i’r arddangosfa dân gwyllt fis Tachwedd, mae aelodau lleol wedi dal ati i roi o’u hamser i gefnogi eu cyd-drigolion yn Nyffryn Conwy.
“Yn fwy diweddar, maen nhw wedi dechrau gweithio gyda Golygfa Gwydyr i redeg banc bwyd ar gyfer trigolion Llanrwst a Chonwy wledig, sydd wedi wynebu caledi bwyd yn sgil y pandemig Coronafeirws. Os ydych chi’n teimlo y gallech chi elwa ar y cynnig hwn, cymerwch gip ar raglen Facebook y grŵp am y manylion cyswllt angenrheidiol.
“Rwyf am ganmol y gwaith rhagorol ac anhunanol hwn. Gyda dim ond 18 aelod, mae Clwb Rotari Dyffryn Conwy yn dweud wrtha’i eu bod wastad yn chwilio am wirfoddolwyr i helpu gyda’u digwyddiadau. Maen nhw wastad yn addo croeso cynnes, a phwy a ŵyr, efallai yr hoffech chi fod yn aelod hirdymor hefyd!”
DIWEDD
