Wrth i Lywodraeth Cymru ystyried masnachfraint rheilffyrdd Cymru a’r Gororau, mae Janet Finch-Saunders AC wedi manteisio ar y cyfle i ddylanwadu ar ddyfodol Llinell Rheilffordd Dyffryn Conwy drwy holi a fyddai modd cyflwyno gwasanaeth trên uniongyrchol o Faes Awyr Manceinion i Flaenau Ffestiniog.
Meddai Janet:
“Yn ddiweddar, ro’n i’n falch o weld Llywodraeth Cymru yn cytuno â mi ynghylch pwysigrwydd llinell Rheilffordd Dyffryn Conwy, yn enwedig i’n diwydiant twristiaeth.
“Yn ogystal â dathlu’r rheilffordd yn genedlaethol drwy gael cydnabyddiaeth gan bobl sy’n gwirioni ar y rheilffyrdd fel Michael Portillo, mae’n darparu cysylltiad gwych i rai o atyniadau mwya’r Gogledd, yn cynnwys Gerddi Bodnant o orsaf Tal-y-cafn; Surf Snowdonia o Dolgarrog; Ystafelloedd Te Tu Hwnt i’r Bont o Lanrwst; a mynyddoedd Eryri – yn cynnwys yr Wyddfa – o Fetws-y-Coed.
“Gyda masnachfraint newydd Cymru a’r Gororau dan ystyriaeth ar hyn o bryd mae gennym gyfle gwirioneddol i ddylanwadu ar ddyfodol y llinell rheilffordd hon, felly rydw i am weld mwy’n cael ei wneud i hybu ei fanteision i drigolion lleol, a’n diwydiant twristiaeth yn arbennig.
“Ffordd wych o wneud hyn fyddai cyflwyno gwasanaeth rheilffordd uniongyrchol o Faes Awyr Manceinion i Flaenau Ffestiniog. Bydd hyn yn helpu i ddod â mwy o ymwelwyr i Ddyffryn Conwy, gan y byddai’r maes awyr yn dod yn llwybr cwbl ryngwladol i Barc Cenedlaethol Eryri”.
DIWEDD
Dogfennau
Cwestiwn Ysgrifenedig y Cynulliad i Ysgrifennydd y Cabinet dros yr Economi a Thrafnidiaeth:
A wnaiff Ysgrifennydd y Cabinet egluro a ellir cyflwyno gwasanaeth rheilffordd uniongyrchol o Faes Awyr Manceinion i Flaenau Ffestiniog fel y gall Dyffryn Conwy elwa ar gysylltiad rheilffordd gwell, ac amlinellu unrhyw ystyriaethau a wnaed ar gyfer hyn yn y trafodaethau ar fasnachfraint newydd Cymru a’r Gororau?
Nodiadau
Holi Ysgrifennydd y Cabinet am ddyfodol hirdymor Llinell Rheilffordd Dyffryn Conwy
AC Aberconwy yn derbyn sicrwydd am ddyfodol Llinell Rheilffordd Dyffryn Conwy
Caffael masnachfraint rheilffordd Cymru a’r Gororau 2018
Cynnydd yn nheithwyr llinell rheilffordd Dyffryn Conwy diolch i Michael Portillo