Heddiw (27 Hydref), mae Janet Finch-Saunders AS – yr Aelod o’r Senedd dros Aberconwy - wedi siarad am ei siom o glywed y newyddion na fydd gwasanaeth ffôn 111 y GIG ar gyfer achosion nad ydynt yn rhai brys yn cael ei gyflwyno’n llawn yn y Gogledd hyd 2022.
Er y dylid deialu 999 bob tro os oes achos brys, bwriadwyd i wasanaeth cyngor 111 y GIG fod ar gael 24 awr y dydd, saith diwrnod yr wythnos, gan ddarparu gwybodaeth a chyngor iechyd a mynediad at ofal sylfaenol brys y tu allan i oriau arferol.
Meddai Janet:
“Rydw i wedi derbyn nifer o gwynion gan etholwyr dryslyd sydd wedi’u cyfeirio at wasanaeth 111 y GIG i ganfod nad yw’r gwasanaeth meddygol ar gyfer achosion nad ydyn nhw’n rhai brys ar gael o hyd yn y Gogledd.
“Mae clywed nawr am oedi i gyflwyno’r gwasanaeth yn genedlaethol, yn warthus i fod yn blwmp ac yn blaen. Mae hyn yn siomedig dros ben, yn enwedig o ystyried bod preswylwyr eisoes wedi’u hysbysu y byddai’r gwasanaeth yn cael ei gyflwyno yn ardal Bwrdd Iechyd Betsi Cadwaladr yn 2021.
“Mae’n warthus hefyd fod y rhif cyngor mewn achosion nad ydyn nhw’n rhai brys yn dal i godi tâl ar breswylwyr y Gogledd. Mae’r ffordd y mae Llywodraeth Cymru wedi camreoli Bwrdd Iechyd Prifysgol Betsi Cadwaladr yn golygu y bydd y preswylwyr hŷn a bregus hynny, heb fynediad cyson at gyfrifiadur, yn gorfod talu i ddefnyddio llinell gymorth iechyd hollbwysig i gael y cyngor sydd ei angen arnyn nhw.
“Mae llinell gymorth 111 y GIG yn wasanaeth ffôn hollbwysig y mae llawer o fy mhreswylwyr mwyaf bregus gwir ei angen. Rwy’n erfyn ar Weinidog Iechyd Cymru i edrych eto ar y cynlluniau hyn i sicrhau y gellir ei roi ar waith o fewn yr amserlen wreiddiol.”
DIWEDD
Ffoto gan Miryam León ar Unsplash
