Mae Janet Finch-Saunders, yr Aelod o'r Senedd dros Aberconwy a Gweinidog yr Wrthblaid dros Newid Hinsawdd, wedi sôn am ei chefnogaeth i her natur fwyaf y DU, 30 Diwrnod Gwyllt. Y fenter yw her natur flynyddol yr Ymddiriedolaethau Natur lle maen nhw'n gofyn i bobl wneud un peth 'gwyllt' y dydd, bob dydd, gydol mis Mehefin.
Wrth sôn am yr angen i hyrwyddo ymgysylltu â natur, dywedodd Janet:
“Mewn blwyddyn pan fydd arweinwyr byd-eang yn dod ynghyd i drafod cynigion i ddiogelu a hyrwyddo bioamrywiaeth, mae'r fenter 30 Diwrnod Gwyllt yn ffordd berffaith o gofnodi'r cynnydd hwn yn nes at adref. O osod teclyn bwydo adar i adeiladu cartref draenogod, mae llawer o gamau bach y gall pawb eu cymryd i annog a diogelu ein bywyd gwyllt lleol.
“Mae wedi'i brofi'n wyddonol bod cysylltu â natur yn cynnig cyfleoedd newydd i leddfu straen a gwella ein hwyliau, i gynyddu cynhyrchiant a dod â phobl at ei gilydd. Mae hyn yn golygu y bydd y gweithgareddau a wneir ar gyfer 30 Diwrnod Gwyllt nid yn unig o fudd i'n planed, ond i'n lles ni hefyd.
“Gydol mis Mehefin, byddaf yn annog trigolion lleol i gyflawni Gweithredoedd Gwyllt ar Hap yn ddyddiol. Drwy ganolbwyntio meddyliau gyda'r fenter wych hon, rydw i'n gobeithio y bydd camau buddiol i hyrwyddo bioamrywiaeth yn parhau gydol y flwyddyn. Cymerwch ran da chi!”
DIWEDD
Ffotograff: gan Wayne M. ar Unsplash
