Mae Janet Finch-Saunders AS - Aelod o’r Senedd Aberconwy - wedi croesawu’r ‘cynnydd cadarnhaol a wnaed’ ar ôl iddi gynnal cyfarfod digidol gyda rhanddeiliaid lletygarwch i adolygu pa gymorth wedi’i dargedu sy’n ofynnol i fynd i’r afael ag effaith y diffyg staff presennol.
Mae’r gweithgor wrthi’n trafod cynnal ffair swyddi wedi’i thargedu yn lleol i godi’r ymwybyddiaeth o yrfaoedd galwedigaethol y gall pobl eu mwynhau yn y diwydiant. Law yn llaw â’r perchnogion busnes lleol hynny a oedd yn bresennol, clywodd y fforwm sylwadau gan Glenn Evans (Cyfarwyddwr Gwesty’r Royal Oak a Gwesty’r Waterloo), Berin Jones (Cadeirydd Cymdeithas Lletygarwch Llandudno), Chris Frost (Cadeirydd Twristiaeth Gogledd Cymru) a Lawrence Wood (Pennaeth Coleg Llandrillo).
Yn rhoi sylwadau ar y cyfarfod, dywedodd Janet:
“Mae ein busnesau lletygarwch lleol yn cynnig cyfleoedd am swyddi hirdymor a gwerth chweil i lawer o deuluoedd a phobl ifanc lleol.
“Ond mae’r areitheg gan rai yn ystod y deunaw mis diwethaf, er yr heriau sylweddol sy’n wynebu ein busnesau twristiaeth a lletygarwch, wedi gwneud i rai pobl benderfynu peidio â dilyn gyrfa fel hyn yn lleol. Mae hyn yn siomedig dros ben, yn enwedig gan ei fod yn sector perffaith i ddysgu sgiliau bywyd hanfodol, gan gynnwys gwaith tîm, gwasanaeth cwsmeriaid a rheoli amser.
“Dyna pam fy mod yn hynod falch gyda’r cynnydd cadarnhaol a wnaed yn ystod fy nghyfarfod bord gron i randdeiliaid, gan sbarduno sgyrsiau cydweithredol gyda’n sefydliadau addysgol lleol i edrych ar gynnal ffair swyddi wedi’i thargedu i godi ymwybyddiaeth o’r gyrfaoedd galwedigaethol y gall pobl eu mwynhau.
“Gwnaeth y cyfarfod hwn hi’n amlwg pa mor niweidiol y byddai unrhyw dreth dwristiaeth arfaethedig yng Nghymru, gan roi bywoliaethau a swyddi yn y fantol. Fel y dywedais yn y cyfarfod, mae angen i ni ganolbwyntio ar helpu ein diwydiant twristiaeth i daro yn ôl ar ôl y pandemig ac annog pobl i ymweld â Chymru, yn hytrach na’u cosbi yn economaidd.
“Pwysleisiodd hefyd y dylid mynd ati i egluro’n well y sefyllfa drwyddedu ar gyfer ein gweithwyr ieuengaf. Mae cyflogi pobl ifanc dan oedran gadael ysgol heb Drwydded Gwaith yn gwbl anghyfreithlon, ond tynnodd y cyfarfod bord gron hwn sylw at yr angen i ddarparu rhagor o wybodaeth am ba Asesiadau Risg a ffurflenni y dylid eu cwblhau i sicrhau eu diogelwch.”
DIWEDD
Ffoto: Kathryn Giberson/Unsplash
