Mae Janet Finch-Saunders AS Aberconwy wedi cyhoeddi y bydd yn cynnal cyfarfod digidol gyda rhanddeiliaid lletygarwch a manwerthu i adolygu pa gymorth penodol sydd ei angen er mwyn mynd i'r afael ag effaith prinder staff presennol.
Cynhelir cyfarfod rhithwir Microsoft Teams ddydd Mercher 11 Awst 2021, rhwng 10:00am a 11:30am. Bydd dau siaradwr gwadd yn ymuno â Janet yn ystod y trafodion - Glenn Evans, Cyfarwyddwr Gwesty'r Royal Oak a Gwesty Waterloo, a Lawrence Wood, Pennaeth Coleg Llandrillo. Gall busnesau sydd â diddordeb gysylltu â [email protected] i gael dolen ymuno.
Wrth siarad am ei chyfarfod, dywedodd Janet:
“Y sectorau lletygarwch a manwerthu yw asgwrn cefn economi'r Gogledd, gan ddarparu cyfleoedd gwaith gwerth chweil a hirdymor i lawer o deuluoedd a phobl ifanc lleol. Maen nhw'n llefydd perffaith i ddysgu sgiliau bywyd hanfodol, gan gynnwys gwaith tîm, gwasanaeth cwsmeriaid a rheoli amser.
“Mae'n hen bryd inni stopio troi'n trwynau ar y diwydiannau hyn, a thynnu sylw at y rhagolygon ar gyfer camu ymlaen mewn gyrfa a gynigir gan y sectorau hyn. Rhaid i Fae Caerdydd arwain y blaen ar hyn, gydag unrhyw gynigion cadarnhaol ar gyfer newid yn cydnabod yr anawsterau a deimlwyd hyd yn oed cyn y pandemig.
“Dyma pam rwy'n falch iawn o ddod â rhanddeiliaid lleol at ei gilydd mewn fforwm rhithwir yr haf hwn, gan roi cyfle i glywed gan rai sydd mewn sefyllfa i greu newidiadau go iawn rŵan hyn, fel Coleg Llandrillo, yn ogystal â chydnabod pa gymorth pellach sydd ei angen.
“Rwy'n annog unrhyw fusnes lleol sydd wedi'i effeithio gan brinder staff i ymuno â'r cyfarfod."
DIWEDD
Llun: Janet Finch-Saunders AS
