Mae un o swyddogion Llywodraeth Cymru wedi mabwysiadu addewid maniffesto'r Ceidwadwyr Cymreig i greu deddfau sy'n gwarantu hawliau pobl hŷn.
Mewn datganiad dywedodd y Comisiynydd, Sarah Rochira, mae’r ‘ffordd fwyaf effeithiol o sicrhau’ y bod hawliau pobl hyn cael eu gwarantu ydi ‘trwy deddfwriaeth a fasa’n creu dyletswyddau penodol i amddiffyn a hyrwyddo hawliau pobl hŷn’
Yn ogystal â hyn, mae hi wedi mynd ymhellach, drwy alw am Siarter Pobl Hŷn i amddiffyn hawliau nes y bydd deddfwriaeth yn cael ei basio.
Mae hyn yn cyfateb efo addewid maniffesto 2016 y Ceidwadwyr Cymreig i gyflwyno Mesur Pobl Hŷn yng Nghymru i ‘ymestyn a hyrwyddo hawliau pobl hyn a sicrhau bod y sector cyhoeddus yn cysidro eu hanghenion wrth ddod i benderfyniadau’
Yn flaenorol, mae’r parti wedi galw am y Comisiynydd i fod yn atebol i Gynulliad Cenedlaethol Cymru yn hytrach na Llywodraeth Cymru – fasa hyn yn fwy tebygol o ddigwydd petai deddfwriaeth yn cael ei gyflwyno.
Dywedodd Janet Finch-Saunders, Pencampwraig Pobl Hŷn y Ceidwadwyr Cymreig:
“Rwyf yn falch iawn bod y Comisiynydd Pobl Hŷn yn cefnogi deddfwriaeth sydd yn ymroddedig i amddiffyn hawliau pobl hyn.
“Rydym wedi bod yn galw am Fesur Pobl Hŷn ers tro, ac rydym yn credu’n gryf y dylai bod deddfwriaeth yn cael ei gysidro am ei effaith ar fywydau dinasyddion hŷn.
“Mwy na dim, rydym eisiau’r comisiynydd i fod yn atebol i'r Cynulliad yn hytrach na Llywodraeth Cymru, i ganiatáu craffu trawsbleidiol priodol.
“Fasa Mesur Pobl Hŷn yn creu cyfle i weld hyn yn digwydd”.
Nodiadau:
Tra oedd Darren Millar yn Ysgrifennydd yr Wrthblaid ar gyfer Iechyd, llwyddodd i ddiwygio'r ddeddf Gwasanaethau Cymdeithasol a Llesiant (Cymru) 2014 er mwyn sicrhau bod unrhyw berson efo dyletswyddau yn ôl y ddeddf yn ystyried egwyddorion y Cenhedloedd Unedig ar gyfer Pobl Hŷn.