Wrth sôn am y newyddion y bydd Cymru'n cyflawni'r garreg filltir o gynnig brechlyn i bawb yn y pedwar grŵp blaenoriaeth cyntaf erbyn diwedd y penwythnos hwn, dywedodd Janet Finch-Saunders Aelod o Senedd Cymru dros Aberconwy a Hyrwyddwr Pobl Hŷn y Ceidwadwyr Cymreig:
“Mae'r rhaglen frechu fesul cam hon yn stori o lwyddiant cymunedol gwirioneddol sy'n pwysleisio pa mor bwysig yw’r ffaith bod Cymru'n cydweithio â'i phartneriaid ledled y Deyrnas Unedig. O'r glanhawyr a'r clercod desg; y cogyddion a staff yr ystafell gefn; i'n staff iechyd rheng flaen, y rhoddwyr gofal a'r gwirfoddolwyr – mae'r ymdrech leol wedi sicrhau bod ysbryd cymunedol yn flaenllaw, sy'n gwbl briodol.
“Mae ein hymatebwyr Coronafeirws gwych yn dyst gwirioneddol i'w proffesiwn, ac unwaith eto yn amlygu pam y bydd ein Gwasanaeth Iechyd Gwladol, ein darparwyr gofal a'n lluoedd arfog yn parhau i fod yn destun balchder yn Aberconwy, Cymru a'r Deyrnas Unedig am byth. Rydyn ni'n sefyll ochr yn ochr â chi wrth i'r rhaglen frechu fesul cam hon barhau.
“Ddylen ni ddim bod ag unrhyw amheuaeth bod llwybr hirfaith yn ein hwynebu, gydag ail ddosau i'w rhoi o hyd i'r unigolion hynny sydd fwyaf mewn perygl, a bod mwy na thri chwarter y boblogaeth angen eu dos cyntaf ar hyn o bryd. Ond mae'n wir dweud bod hon yn garreg filltir bwysig i drigolion lleol, wrth i ni geisio adfer o'r pandemig ac ailadeiladu'r Gogledd.”
Diwedd
Llun: Janet Finch-Saunders AS
