Mae Janet Finch-Saunders AS – Aelod o’r Senedd Aberconwy – wedi annog etholwyr i gymryd rhan mewn ymgynghoriad cyhoeddus sydd wedi’i drefnu ynghylch y cynigion i ddatblygu Fferm Wynt Alltraeth Awel y Môr oddi ar arfordir y Gogledd. Cynhelir yr ymgynghoriad rhwng 31 Awst 2021 a 11 Hydref 2021. Bwriedir cynnal yr ymgynghoriad drwy ddull hybrid, gyda phlatfform arddangos rhithwir, i’w gyrchu drwy wefan y prosiect, ac ymgynghoriadau wyneb yn wyneb dethol mewn mannau awyr agored ledled y rhanbarth.
Wrth annog etholwyr i gofrestru eu safbwyntiau, dywedodd Janet:
“Gan gydnabod pryderon eang etholwyr lleol o ran sgil effeithiau posibl y prosiect hirdymor hwn, rwy’n falch o gael annog etholwyr i gofrestru eu barn cyn 11 Hydref 2021 er mwyn iddynt gael eu rhoi ar waith fel rhan o gynlluniau’r prosiect at y dyfodol.
“Bydd gan ynni adnewyddadwy rôl ganolog yn yr adferiad gwyrdd ar ôl y Coronafeirws, ond bydd yn rhaid cydbwyso cynnydd gyda phryderon amlwg. Dyna pam fo mod wedi bod yn galw ers amser ar Lywodraeth Cymru i adolygu ei pholisïau mewn perthynas â chynllunio gofodol morol, gan ofyn i swyddogion weithio gyda rhanddeiliaid i gasglu’r data angenrheidiol i gadarnhau eu heffaith ar yr amgylchedd.
“Gyda’r posibilrwydd y bydd y tyrbinau mor uchel â Thŵr Eiffel ac yn cael effaith ar y boblogaeth leol o adar y môr, bydd cynllunio gofodol yn elfen allweddol o’m sylwadau i ymgynghoriad Awel y Môr. Gall yr ymgynghoriadau hyn gael effaith sylweddol ar gynlluniau ac felly rwy’n croesawu’r cyfle hwn ar gyfer ymgysylltu â’r gymuned.”
DIWEDD
Ffoto: Janet Finch-Saunders AS
